عن معامل الدرة

رحلتنا بدأت من خبرة حقيقية على أرض الواقع.
على مدار أكثر من 15 عامًا من العمل داخل أكبر المعامل في مصر

معامل الدرة

بنهتم بالتجربة قبل التحليل

معامل الدرة للتحاليل الطبية

اكتسبنا خبرة قوية ومهارات عملية، مدعومة بحضور العديد من الكورسات وورش العمل والتطوير المستمر. ومع الوقت، وصلنا لمرحلة من التمكن خلت عندنا هدف واضح:
إننا نؤسس كيان خاص بينا، نقدم فيه الخدمة بالشكل اللي بنحلم بيه.

وقد كان…
أسسنا معامل الدرة للتحاليل الطبية بهدف واضح: إننا نكون مختلفين فعلًا، ونقدم تجربة إنسانية قبل ما تكون خدمة طبية.
ومن هنا كنا من أوائل المعامل التي قدمت مفهوم
“المعمل الصديق للطفل”

400+

Complete Cases

Expert Staff

المعمل الصديق للطفل

لأننا مؤمنين إن تجربة الطفل في التحاليل لازم تكون مريحة وآمنة، مش مصدر خوف أو قلق.
من خلال تعاملنا اليومي مع المرضى، لاحظنا إن أكتر تجربة صعبة هي سحب العينة، خصوصًا للأطفال، واللي بتسبب توتر كبير ليهم ولأهاليهم.

ومن هنا بدأت رحلة البحث…
قدرنا نوصل لتقنيات حديثة تساعد على تقليل الألم والتوتر أثناء سحب العينة، منها:
نظارات الواقع الافتراضي (VR) لعزل الطفل عن الجو المحيط وتشتيت انتباهه
مع استخدام وسائل مساعدة لتقليل الإحساس بالألم أثناء السحب

لكن فضل تحدي مهم…
وهو صعوبة الوصول للوريد بسهولة، خصوصًا مع كبار السن أو الحالات اللي أورِدتها مش واضحة.
علشان كده حرصنا على استخدام أحدث التقنيات، فقمنا بتوفير:
جهاز كاشف الوريد، لإظهار الأوردة بوضوح وسحب العينة من أول مرة
وكمان بنستخدم تقنية الفراشة (Butterfly) في السحب مع وسائل تقليل الإحساس بالألم مثل الاهتزاز الخفيف (Vibration) اللي بتعمله النحله الزنانة ، لتقليل الإحساس بوخزة الإبرة قدر الإمكان
إيماننا كان دايمًا إن راحة المريض مش رفاهية… دي أساس الخدمة.
وعلشان كده :
احنا اول معمل صديق للطفل
وطبعا مع وجود فريق مدرب واجهزه حديثة ومتطورة بتكون النتيجه علي دقة عالية وواضحة للمريض وللطبيب